श्री सोमेश्वर सह.साखर कारखाना संचालकपदी मिलिंद कांबळे यांची निवड.
सोमेश्वरनगर - श्री सोमेश्वर सह साखर कारखाना (ता. बारामती ) संचालकपदी होळ-मोरगाव गटातून मिलिंद बळवंत कांबळे यांची निवड करण्यात आली आहे.
संचालक प्रवीण कांबळे यांनी राजीनामा दिल्याने रिक्त पदी मिलिंद कांबळे यांची निवड करण्यात आली. शुक्रवार दि १४ फेब्रुवारी रोजी सोमेश्वर कारखाना येथील जिजाऊ सभागृहात ही निवड पार पडली. मिलिंद कांबळे यांचा रिक्त संचालक पदासाठी एकमेव अर्ज आल्याने बारामतीचे सहाय्यक निबंधक प्रमोद दुर्गुडे यांनी कांबळे यांच्या नावाची घोषणा केली. यावेळी श्री सोमेश्वर साखर कारखाना अध्यक्ष पुरुषोत्तम जगताप,उपाध्यक्ष बाळासाहेब कामथे , कार्यकारी संचालक राजेंद्र यादव, राष्ट्रवादी बारामती तालुकाध्यक्ष तथा ज्येष्ठ विद्यमान संचालक राजवर्धन शिंदे, सह विद्यमान संचालक मंडळ उपस्थित होते.
