सोमेश्वरनगर/ बारामती : अंधेरी स्पोर्ट्स कॉम्प्लेक्स येथे आयोजित CMAA Champions Cup – ४ थी आंतरराष्ट्रीय कराटे स्पर्धा (मुंबई) २०२५ अत्यंत उत्साहात व शिस्तबद्ध वातावरणात पार पडली. २३ नोव्हेंबर २०२५ रोजी झालेल्या या स्पर्धेत भारतासह परदेशातीलही अनेक खेळाडूंनी उत्स्फूर्त सहभाग नोंदवला.
या स्पर्धेचे आयोजन कॉम्बॅट मार्शल आर्ट्स असोसिएशन – भारत आणि वादो र्यू कराटे दो वर्ल्ड स्पोर्ट्स यूथ असोसिएशन – भारत यांच्या संयुक्त विद्यमाने करण्यात आले होते. यासोबतच ज्युदो कराटे किक बॉक्सिंग मार्शल आर्ट असोसिएशन महाराष्ट्र यांनीही सहकार्य केले.
ग्रॅन्ड मास्टर प्रकाश रासकर आणि इमरान बागवान यांनी खेळाडूंना तांत्रिक आणि मानसिक तयारीचे मौल्यवान मार्गदर्शन केले.
स्पर्धेत खालील खेळाडूंनी पदके पटकावून आपली गुणवत्ता सिद्ध केली :
गोल्ड मेडल विजेते
प्रधुन्य भोसले
सार्थक सकाटे
सिल्वर मेडल विजेते
मार्तण्डमल्हार हाके
सोहम वायाळ
ब्रांझ मेडल विजेते - श्रेयांश जाधव,
यंदाच्या स्पर्धेत सोमेश्वर पंचक्रुशीतील विद्यार्थ्यांनी उल्लेखनीय कामगिरी करत अनेक पारितोषिके पटकावली, ज्यामुळे संपूर्ण परिसरात आनंदाचे आणि अभिमानाचे वातावरण निर्माण झाले आहे. त्यांच्या या यशामुळे तालुक्यातील क्रीडाक्षेत्रातही नवी उभारी निर्माण झाल्याचे पालक व स्थानिक नागरिकांनी नमूद केले.
स्पर्धेचे नियोजन, व्यवस्थापन आणि खेळाडूंची सुरक्षितता या सर्व बाबतीत कार्यक्रम उत्तमरीत्या पार पडल्याबद्दल आयोजकांचे सर्व स्तरांतून कौतुक होत आहे. या स्पर्धेतील उल्लेखनीय कामगिरीमुळे खेळाडूंना पुढील राष्ट्रीय व आंतरराष्ट्रीय स्पर्धांसाठी मोठी प्रेरणा मिळाली आहे.



