सोमेश्वर प्रीमियर लीग २०२५ मोठ्या उत्साह...ओम वॉरियर्स बारा संघामध्ये चुरशीने खेळला तर मॅन ऑफ द सिरीज अक्षय तावरे कडे .....वडगाव निंबाळकर येथील श्रीनाथ साहेब टायगर्स संघ सलग दुसऱ्या वर्षी विजेता ठरत डी जी लायन्ससंघ उपविजेता.

सोमेश्वर प्रीमियर लीग २०२५ मोठ्या उत्साह...ओम वॉरियर्स बारा संघामध्ये चुरशीने खेळला तर मॅन ऑफ द सिरीज अक्षय तावरे कडे .

वडगाव निंबाळकर येथील श्रीनाथ साहेब टायगर्स संघ सलग दुसऱ्या वर्षी विजेता ठरत डी जी लायन्ससंघ उपविजेता.

सोमेश्वरनगर - बारामती तालुक्यातील करंजी येथे सोमेश्वर प्रीमियर लीग २०२५ मोठ्या उत्साहात संपन्न झाली ही प्रीमियर लीग मंगळावर दि २३ डिसेंबर ते शनिवार दि २७ डिसेंबर या कालावधीत पार पडलेल्या टेनिस बॉल फुल पीच क्रिकेट स्पर्धेचे आयोजन करण्यात आले होते. या स्पर्धेमध्ये बारामती ग्रामीण मधील जवळपास पावणेदोनशे क्रिकेट पट्टूंनी सहभाग घेतला होता. हे सर्व खेळाडू वेगवेगळ्या१२ संघांमध्ये लिलावाद्वारे विभागले गेले होते.
यामध्ये डी जी शिंदे (मोरगाव) यांच्या मालकीचा डी जी लायन्स, शरद नाना खुडे यांचा शरद नाना खुडे ११ संघ, नऊ फाटा येथील सचिन आर्ट्स ब्लास्टर्स, मुरूम येथील दत्तात्रय सोनवणे सरांचा डी एस पँथर्स, संकेत भैया जगताप यांचा मल्लिकार्जुन वॉरियर्स, वडगाव निंबाळकर येथील संग्राम जाधव यांचा श्रीनाथ साहेब टायगर्स, कोऱ्हाळे येथील हेमंत गडकरी यांचा यंग इलेव्हन, वाघळवाडी येथील जितू भैया सकुंडे यांचा वाघळवाडी टायगर्स, पांढरवस्ती चोपडज येथील उमेश गाडे यांचा सी एस के चोपडज, गोजुबावी येथील आतिश गटकळ यांचा मोरया फाइटर्स, करंजे येथील अमर पठाण यांचा झीशान स्मॅशर्स , करंजेपूल शेंडकरवाडी येथील किरण शेंडकर व भाऊसाहेब हुंबरे यांचा ओम वॉरियर्स अशा बारा संघामध्ये अतिशय चुरशीने ही स्पर्धा खेळली गेली. श्रीनाथ साहेब टायगर्स वडगाव निंबाळकर हा संघ सलग दुसऱ्या वर्षी विजेता ठरला. डी जी लायन्स मोरगाव हा संघ उपविजेता ठरला.
वाघळवाडी टायगर्स या संघाने तृतीय क्रमांक पटकावला, तर चतुर्थ क्रमांकाचा मानकरी ठरला करंजे येथील झीशान स्मॅशर्स.
या स्पर्धेसाठी नवनाथ उद्योग समूहाचे अध्यक्ष तथा श्री सोमेश्वर सहकारी साखर कारखान्याचे विद्यमान संचालक संग्रामभाऊ तानाजीराव सोरटे यांनी प्रथम क्रमांकाचे बक्षीस रोख रक्कम रुपये १ लाख ११ हजार १११ रुपये दिले. द्वितीय क्रमांकाचे बक्षीस रोहिणीताई संदीप कदम ढोले संस्थापिका अध्यक्ष एस एम के फाउंडेशन मोरगाव यांचेमार्फत रोख रुपये ५५हजार५५५ प्राप्त झाले. रेणुका इंडस्ट्रीज भोसरी पुणे यांचे मालक चांगदेव धुर्वे शेंडकरवाडी यांनी रोख रक्कम रुपये २५ हजार ५५५ रुपये दिले. करंजे गावचे पुणे येथील बांधकाम व्यवसायिक मंगलमूर्ती डेव्हलपर चे मालक शेखरदादा भगत यांनी रोख रक्कम रुपये २५ हजार ५५५ रुपये दिले. संदीप उर्फ पिंटू शेठ मोडक वडकी आणि पैलवान बाळासाहेब मदने यांनी ट्रॉफी दिल्या तसेच करंजेपुल गावचे मा सरपंच वैभव गायकवाड यांनी मॅन ऑफ द सिरीज साठी टीव्ही दिला, बेस्ट बॅटर साठी उद्योजक धीरज गायकवाड आणि योगेश भिलारे यांनी सायकल दिली, तसेच बेस्ट बॅट्समन साठी अजित आप्पासाहेब गायकवाड यांनी सायकल दिली. दिग्विजय कैलास मगर यांनी स्टंप व बॉल दिले. नेहमीप्रमाणे चौधरवाडी येथील पुणेस्थित व्यावसायिक मुकेश चौधरी यांनी बेस्ट बॅट्समन साठी बॅट दिल्या. बेस्ट बॉलरसाठी हर्षल जगताप यांनी शूज दिले. मंडप व्यावसायिक प्रतापराव गायकवाड आणि विजयराव कोळपे यांनी रस्त्यावर कमानी उभारल्या. शिवा काका कारंडे फाउंडेशन यांच्या अध्यक्ष रेणुकाताई स्वप्निल कारंडे यांनी मंडपासाठी सहकार्य केले. तसेच परिसरातील प्रदीप शेंडकर, बाळासाहेब शिंदे, सुखदेव शिंदे, भरत हगवणे, धनंजय गायकवाड, राहुल शेंडकर, हनुमंत शेंडकर, अमोल वायाळ, दत्ताआबा फरांदे, विनोद गोलांडे यांनी विशेष सहकार्य केले. युट्युब साठी मयूर वायाळ, मंगेश कदम, जीवन सावंत यांनी सहकार्य केले. या स्पर्धेसाठी एस एम गलांडे यांनी मैदान उपलब्ध करून दिले.
या स्पर्धेसाठी आरोग्य व बांधकाम सभापती प्रमोद काकडेदेशमुख, पुणे जिल्हा क्रीडा अधिकारी जगन्नाथ लकडे, आजी माजी सैनिक संघटना अध्यक्ष ताराचंद शेंडकर,सोमेश्वर कारखाना संचालक राजवर्धन शिंदे, ऋषी गायकवाड, मा संचालक रमाकांत गायकवाड सह विलास शेंडकर, शिवाजी शेंडकर, माणिक काळे, सुनील ढोले,सुचिताताई साळवे उपस्थित यांनी उपस्थित राहत खेळाडूंना प्रोत्साहित केले. स्पर्धा बारामतीतील ग्रामीण भागाच्या क्रिकेटपटूंना मोठी पर्वणी ठरली आहे. ग्रामीण भागातील खेळाडूंना या स्पर्धेमुळे खूप मोठे व्यासपीठ मिळाले आहे. या स्पर्धेत ग्रामीण भागातील सर्व गाजलेले स्टार खेळाडू आवर्जून भाग घेत असतात. त्यामुळे ही स्पर्धा अतिशय रंगतदार होत असते. कमी वेळेत प्रसिद्धीस पावलेली खेळाडूंच्या विश्वासास पात्र ठरल्यामुळे नावावर पास आलेली आहे. या स्पर्धेमध्ये खेळण्यासाठी आजूबाजूच्या तालुक्यातून खेळाडूंचे सतत फोन येत असतात.
सोमेश्वर प्रीमियर लीग २०२५ बुवासाहेब हुंबरे आयोजित स्पर्धेचे नियोजन किरण शेंडकर, करंजे गावचे सरपंच भाऊसाहेब हुंबरे,मयुर शेंडकर,जितू भैया सकुंडे,नितीन साखरे, पापा मुलानी,शशिकांत जेधे ,दत्तात्रय सोनवणे सर,दिव्यतेज शेंडकर,ओम शेंडकर तसेच परिसरातील सर्व खेळाडू जिद्दीने, चिकाटीने, अतिशय मेहनतीने नेहमीच करत असतात. आजच्या बक्षीस वितरण समारंभात सोन्या चांदीचे व्यापारी तथा राज्य पातळीवरचे व्यापाऱ्यांचे नेते किरणशेठ आळंदीकर यांनी पुढील वर्षीसाठी नाणेफेकीचे चांदीचे नाणे देणार असल्याचे आवर्जून सांगितले.
कार्यक्रमाचे संपूर्ण समालोचन अमर यादव आणि विजय साकोरे यांनी केले. या स्पर्धेसाठी पंच म्हणून स्वप्निल काकडे आणि त्यांचे सहकारी यांनी नियमांचे तंतोतंत पालन करून कामकाज पाहिले. या सर्वांच्या सहकार्यामुळे ही स्पर्धा सुरळीत पार पडली. या स्पर्धेसाठी आजूबाजूच्या सर्वच गावांमधून प्रेक्षक उपस्थित राहून खेळाडूंना प्रतिसाद दिला प्रतिसाद दिला, बक्षिसांची खैरात केली यामुळे खेळाडूंना प्रोत्साहन मिळाले.खेळावर प्रेम करणाऱ्या दानशूर व्यक्तीमुळेच अशा स्पर्धा पार पाडण्यासाठी आम्हाला ताकद मिळते, या सर्व दानशूर व्यक्तींचे आभार मानत पुढच्या वर्षीच्या स्पर्धेमध्ये अजून काही सुधारणा करून यापेक्षा अतिशय सुंदर नियोजन पद्धतीने पुढची स्पर्धा दिमाखात करणार आहोत असे किरण शेंडकर यांनी सांगितले. सरपंच भाऊसाहेब हुंबरे यांनी सर्व उपस्थित आमचे स्वागत केले आणि आभार मानले.