सोमेश्वरनगर प्रतिनिधी
बारामती तालुक्यातील सोरटेवाडी येथे रानगवा दिसल्याने नागरीकांच्यात भीतीचे वातावरण असून दरम्यान वनविभागाचे अधिकारी आणि कर्मचारी यांनी घटनास्थळी भेट दिली असून रानगव्या पासून कोणताही धोका नसल्याचे स्पष्ट केले आहे. सोरटेवाडी येथे रानगवा असल्याचे काल सायंकाळी काही ग्रामस्थांनी पाहिले. त्यानंतर तो नंतर दिसेनासा झाला. पुन्हा आज सकाळी ८ वाजता पुन्हा रानगवा दिसल्याने ग्रामस्थांच्या भीतीचे वातावरण होते. दरम्यान सोरटेवाडीचे सरपंच दत्तात्रय शेंडकर यांनी तातडीने वनविभागाशी संपर्क साधला. वनविभागाचे वनरक्षक योगेश कोकाटे, वनकर्मचारी
नंदकुमार गायकवाड, दादा जाधव व पिंटू शेलार यांनी घटनास्थळी तातडीने भेट देत पायाचे ठसे पाहून हा रानगव्याच्या पायाचे ठसे असल्याचे स्पष्ट केले आहे. दरम्यान रानगव्या पासून कोणताही धोका नसल्याचे वनरक्षक योगेश कोकाटे यांनी स्पष्ट केले आहे.
