दौंड शुगर प्रायव्हेट लिमिटेड चा 13 व्या गाळप हंगामाचा शुभारंभ
दौंड शुगरच्या गाळप हंगामाची मोळी टाकताना उपस्थित मान्यवर
दौंड शुगर प्रायव्हेट लिमिटेड, च्या तेराव्या गाळप हंगामाचा शुभारंभ इंद्रजित जगदाळे, व त्यांच्या पत्नी उमा जगदाळे, यांच्या हस्ते बॉयलर अग्निप्रदीपन व मोळी पूजन कारखान्याचे पूर्णवेळ संचालक शहाजी गायकवाड यांच्या हस्ते करण्यात आले.
यावेळी बोलताना कारखान्याचे संचालक जिल्हा परिषद सदस्य वीरधवल जगदाळे म्हणाले किमान आधारभूत किंमत देण्याबाबत राज्यातील साखर कारखाने जो निर्णय घेतील त्याप्रमाणे दौंड शुगरही बाजारभाव देईल. चालू गाळप हंगामात कारखान्याने असावानि प्रकल्पाची क्षमता वाडवली आहे. आयकर विभागाच्या धडीबाबत बोलताना जगदाळे म्हणाले, चालू गाळप हंगाम सुरू असताना ऊसदर देण्याबाबत किंवा गाळप हंगाम पूर्ण करण्यात कारखाना प्रशासन कोठेही कमी पडणार नाही.
कार्यक्रमाला अमित गिरमकर, उत्तम आटोळे, राजेश गायकवाड, बादशहा शेख, वसीम शेख, राजेश जाधव, अनिल साळवे, विठ्ठल बाराते, वसंत धुमाळ, लक्ष्मण कदम, ज्ञानेश्वर काळे, इत्यादी मान्यवर उपस्थित होते.
दरम्यान आज आयकर विभागाने धाड टाकून तिसरा दिवस पूर्ण झाला आहे तरीही अजून आयकर विभागाचे अधिकारी कारखान्याच्या कार्यालयात ठाण मांडून आहेत.तरीही कारखाना प्रशासनाने गाळप हंगामाचा शुभारंभ उत्साहात पार पाडला.
फोटो ओळ :- दौंड शुगरच्या गाळप हंगामाची मोळी टाकताना उपस्थित मान्यवर
