मयुरेश्वर मंदिर सर्व भक्तांना दर्शनासाठी खुले
सोमेश्वरनगर प्रतिनिधी
राज्यशासनाने काढलेल्या आदेशानुसार अष्टविनायकापैकी प्रथम तीर्थक्षेत्र असलेले मयुरेश्वर मंदिर उद्या सर्व भावीकांना दर्शनासाठी खुले केले जाणार आहे . कोरोना या विषाणूजन्य आजारामुळे खबरदारीचा उपाय म्हणून देवस्थान ट्रस्टने नियमावली तयार केली असून मंदिर परीसर निर्जंतुक केला केला आहे .
उद्या पहाटे नेहमीप्रमाणे गुरव मंदिरडळींची प्रक्षाळ पुजा झाल्यानंतर मयुरेश्वर मंदिर सर्व भक्तांना दर्शनासाठी खुलेकेले जाणार आहे . मास्कशिवाय कुठल्याही भक्तांना मंदिर प्रवेश दिला जाणार नसून लेकुरवाळ्या महीला , ६५ वर्षावरील नागरीक , १० वर्षाखालील मुलांनी मंदिरात येण्याचे टाळावे असे आवाहन ट्रस्टकडून केले आहे . मंदिराच्या दर्शनी बाजुला कोरोना या विषाणूजन्य आजारामुळे भावीकांनी पाळावयाच्या सूचना नमूद केल्या आहेत .
दररोज किती भावीकांना दर्शन देयचे याबाबत कुठलीही नियमावली देवस्थाने जाहीर केली नसली तरी भक्तांची वाढणारी गर्दी व शासकीय आदेश यानुसार योग्य बदल केला जाणार आहे . भक्तांना मंदिर कार्यालयात आर्थिक दान पावत्या करता येणार आहेत . देवस्थान मार्फत सुरु असणारा महाप्रसाद पुढील आदेश येईपर्यंत बंद राहणार आहे . तसेच भक्तांनी सामुदाईकपणे श्रींचे दर्शन घेण्याचे टाळावे असे मंदिर व्यवस्थापन समीती कडुन आवाहन केले आहे .
१) भक्तांसाठी बनविण्यात आलेली सुसज्ज दर्शन रांग
२) मंदिर बंद असलेला फोटो
३) मंदिर निर्जुंतुकीकरन
