वाल्हेतील मदने वस्ती रस्त्याची स्व;खर्चातून दुरुस्ती
पुरंदर प्रतिनिधी सिकंदर नदाफ
स्थानिक ग्रामपंचायत व सदस्यांचे रस्ता दुरुस्तीकडे होत असलेल्या दुर्लक्षामुळे तसेच स्थानिक रहिवाशांना होणाऱ्या त्रासापासून मुक्तता मिळावी या उद्देशाने सामाजिक कार्यकर्ते दादासाहेब मदने यांसह मसनेर मित्र मंडळाने स्वखर्चातून व श्रमदानातून वाल्हे येथील मदने वस्ती रस्ताची दुरुस्ती केली .
वाल्हे येथील वार्ड क्रमांक ५ मधील मदने वस्तीकडे जाणारा कच्चा रस्ता हा मुळातच रेल्वेच्या हद्दीतला असल्याने स्थानिक ग्रामपंचायत या रस्त्याच्या दुरुस्तीकडे दुर्लक्ष करत असल्याची चर्चा आहे. मात्र या रस्त्यावरूनच मदने वस्तीत वास्तव्यास असणाऱ्या शेकडो धनगर समाज बांधवांची ये जा नेहमीच सुरु असते. त्यातच या रस्त्यावरून शेळ्या मेंढ्यांचा मुक्त वावर देखील असतो .परंतु पावसामुळे या रस्तावर ठीक ठिकाणी खड्डे पडले असून त्यामध्ये मोठ्या प्रमाणावर पाणी देखील साठले आहे.त्यामुळे या रस्त्यावरून ये -जा करणे येथील राहिवाश्यांना तसेच पाळीव जनावरांना देखील जिकीरीचे ठरत होते.
मात्र स्थानिक प्रशासनाला या रस्त्या संदर्भात वारंवार विनवण्या करून रस्त्याची दुरुस्ती होत नसल्याने सामाजिक कार्यकर्ते दादासाहेब मदने व मसनेर मित्र मंडळाच्या कार्यकर्त्यांनी अखेर स्वखर्चातून व श्रमदानातून या ठिकाणी जेसीपी च्या साह्याने मुरूम टाकला व रस्ता दुरुस्त करण्याचा प्रयत्न केला आहे.यावेळी अनेकांनी त्यांच्या सामाजिक कार्याचे कौतुक देखील केले.
या कार्यासाठी दादासाहेब मदने यांसह सौरभ मदने, किरण मदने ,दिपक मदने, दगडू मदने, शिवाजी मदने, संदीप मदने आदी मान्यवरांचा सहभाग होता.
