सोमेश्वरनगर - पुणे ग्रामीण जिल्हा वडगांव निंबाळकर पोलीस स्टेशन(ता बारामती) अकिंत करंजेपुल पोलीस दूरक्षेत्र, करंजेपूल यांच्या संयुक्त विद्यमाने भारतीय न्याय संहिता २०२३ भारतीय नागरी सुरक्षा संहिता २०२३ भारतीय साक्ष अधिनियम २०२३ महिला व अल्पवयीन मुलीच्या संरक्षणा संदर्भात विविध कायदे व कायद्यांची जनजागृती अभिया कार्यक्रम मंगळवार दि. ४ रोजी सेमीनार हॉल शरदचंद्रजी पवार कॉलेज ऑफ इंजिनिअरींग ॲन्ड टेक्नॉलॉजी येथे संपन्न झाला यावेळी मार्गदर्शन अॅड. विशाल बर्गे आणि अॅड. सुप्रिया बर्गे यांनी केले.
मार्गदर्शन करताना अँड विशाल बर्गे यांनी सांगितले की पोलिसांना या दुरुस्त कायद्यात जास्त अधिकार दिलेले आहेत. सात वर्षा पेक्षा जास्त शिक्षा असलेल्या गंभीर गुन्ह्यातील तपास करताना घटनास्थळ चित्रिकरण करणे बंधनकारक केले आहे. तसेच पोलिसांना गांभीर् गुन्ह्य़ात दोषारोपपत्र दाखल करायला १८० दिवस पर्यन्त ज्यादा कालावधी दिलेला आहे. पूर्वी ९० दिवसांत तपास पूर्ण करायला लागायचा.
तसेच पुरावा गोळा करताना आरोपीचे हस्ताक्षर, सही, हाताचे ठसे, आवाजाचे सॅम्पल जप्त करता येणार आहेत त्याला वेगळी परवानगी कोर्टाकडून घ्यायची गरज नाही. तसेच पूर्वी मात्र आरोपींना सदर पुरावा पोलिसांना देणे बंधनकारक नव्हते. त्यामुळे ठोस पुरावा अभावी आरोपी निर्दोष मुक्त होत होते.
आता नवीन दुरुस्ती नुसार तपास करणारे पोलीस अधिकारी यांना ९० दिवसापर्यंत आरोपीची पोलीस कोठडी मागता येणार आहे. पूर्वी केवळ चौदा दिवस मागता येत होती.
तसेच इलेक्ट्रिक पुरावा म्हणजे ईमेल, मोबाईल, कॉम्प्युटर, मोबाईल एसएमएस हाही पुरावा म्हणून कोर्टात सादर करता येणार आहे.
मुलीना मार्गदर्शन करताना अँड सुप्रिया बर्गे म्हणाल्या की,
फसवेपणाला भूलथापांना मुलींनी बळी पडू नये. सरकारी नोकरीत, स्पोर्ट , आर्मी मध्ये आता मुलींना आरक्षण दिले आहे. शिक्षण सुद्धा मोफत झालेले आहे.त्यामुळे त्यांनी आपल्या पायावर उभे राहून सक्षम बनले पाहिजे. जेणे करून तुमच्या भावी आयुष्यात तुम्हाला आर्थिक अडचण येणार नाही. तुम्हाला होणाऱ्या अडचणी, लैंगिक छळ, मुलांकडून होणारा त्रास पोलिसांना,घरच्यांना किंवा आईवडील यांना ठामपणे सांगता आला पाहिजे. जेणे करून वेळेत त्यावरीत कारवाई करता येईल व भविष्यातील होणारा एखादा गंभीर गुन्हा थांबवू शकतो.
तरुणी ही कुटुंबाची इज्जत असते. ती विवाहानंतर माहेर व सासर चा आधारस्तंभ होऊ शकते. त्यामुळे त्यांनी आपल्या कुटुंबाला कमी पणा येईल असे वागले नाही पाहिजे. हे त्यांनी सांगितले.
तुमचे आईवडील ,नातेवाईक, गुरुजन वर्ग यांना तुमचा अभिमान वाटेल अशीच प्रगती केली पाहिजे. असे ॲड सुप्रिया बर्गे यांनी प्रतिपादन केले.
यावेळी डॉ संपतराव सुर्यवंशी, प्राचार्य सोमेश्वर सायन्स कॉलेज यांनी मान्यवरांचे स्वागत केले. त्यावेळी शरदचंद्रजी पवार कॉलेज ऑफ इंजिनिअरिंग या संस्थेचे प्रो संजय देवकर ,वडगाव निंबाळकर पोलीस ठाण्याचे पोलिस निरीक्षक सचिन काळे यांच्या मार्गदर्शनाखाली पोलीस उपनिरीक्षक राहुल साबळे सह इतर पोलीस वर्ग, प्राध्यापक कर्मचारी तसेच पोलीस पाटील , आजी माजी सैनिक संघटना बारामती तालुकाध्यक्ष बाळासाहेब शेंडकर, स्वामी विवेकानंद अभ्यासिका गणेश सावंत, दक्षता कमिटी च्या सुचिता साळवे सह विद्यार्थी विद्यार्थिनी सह इतर मन्यावर उपस्थित होते.
स्वागत करंजेपुल दूरक्षेत्र पोलीस अधिकारी अमोल भोसले सूत्रसंचालन रमेश नागटिळक तर कार्यक्रमाचे आभार दीपक वारुळे यांनी मानले.