श्री सोमेश्वर सर्परुपी देवाचे आलेल्या शिवभक्तांना दिले दर्शन भाविकांकडून समाधान व आनंद
सोमेश्वरनगर - बारामती तालुक्यातील प्रसिद्ध सौराष्ट्रातील सोरटी सोमनाथाचे प्रति रूप मानले जाणारे करंजे येथील श्री सोमेश्वर स्वयंभू शिवलिंग आहे श्रावण महिन्यात दरवर्षीच विविध जिल्ह्यातूनच नव्हे तर राज्यातून शिवभक्त भाविक स्वयंभू शिवलिंगाचे दर्शन घेण्यासाठी श्रावण महिन्यात येत असतात श्रावणी महिन्याचा पहिला सोमवार (दि २८) रोजी हजारोंच्या संख्येने शिवभक्त स्वयंभू शिवलिंगाचे दर्शन घेण्यासाठी आले होते ..एक महिनाभर चालणारी ही श्रावणी यात्रा मोठ्या भक्तीमय वातावरणात संपन्न होत असते सोमेश्वर मंदिर व मंदिर परिसरात विविध प्रकारच्या दुकानांनी परिसर गजबजुन गेलेला पाहायला मिळतो लहान चिमुकल्यांसाठी विविध प्रकारचे पाळणे ,मिठाईवाले हॉटेल व्यवसायिक ,गृह उपयोगी वस्तू ,खेळणी असे स्टॉल लागलेले आहेत. श्रावणी पहिला सोमवार निमित्त पहाटे पासूनच दर्शनासाठी मोठी गर्दी केली होती स्वयंभू शिवलिंगीची महापूजा वडगाव निंबाळकर पोलीस ठाण्याचे सहाय्यक पोलीस निरीक्षक सचिन काळे सपत्नीक व पुणे जिल्हा बँक विद्यमान संचालक संभाजी होळकर यांच्या शुभहस्ते हस्ते पार पडली.
यावेळी देवस्थान चेअरमन अनंत मोकाशी, सचिव विपुल भांडवलकर खजिनदार सचिन भांडवलकर विश्वस्त व करंजे गावचे सरपंच भाऊसो हुंबरे, करंजेपुल माजी सरपंच वैभव गायकवाड मान्यवर ग्रामस्थ उपस्थित होते.
विविध जिल्ह्यातून आलेल्या शिवभक्तांसाठी सकाळची खिचडी वाटप विक्रमआप्पा भोसले ,गोरख राजाराम इंगळे, संदीप साळुंखे बारामती तर्फे केळी वाटप तसेच संध्याकाळची महाप्रसाद व्यवस्था नवनाथ पतसंस्था करंजे यांच्यामार्फत करण्यात आली होती.
श्रावण महिन्यात आलेल्या शिवभक्तांसाठी देवस्थान ट्रस्टच्या मार्फत प्रशस्त भाविकांसाठी दर्शन व्यवस्था , पिण्याचे शुद्ध पाणी, वाहनासाठी प्रशस्त पार्किंग, आरोग्य विभाग होळ च्या माध्यमातून आरोग्य व्यवस्था, कोणताही अनुचित प्रकार घडू नये यासाठी वडगांव पोलिस स्टेशन माध्यमातून चोख पोलिस बंदोबस्त तसेच सोमेश्वरनगर विभाग महावितरण चे कर्मचारी असल्याचे देवस्थान ट्रस्ट अध्यक्ष अनंत मोकाशी व सचिव विपुल भांडवलकर यांनी बोलताना माहिती दिली.
