सोमेश्वरनगर प्रतिनिधी
बारामती तालुक्यातील पश्चिम भागात कोरोना चे वाढते रुग्ण लक्षात घेता रविवार दि १३ पासून पाच पेक्षा जास्त असणाऱ्या लोकांवर गुन्हे दाखल करण्यात येणार असल्याचे आव्हाहन वडगाव निंबाळकर पोलीस ठाण्याचे सहाय्यक पोलीस निरीक्षक सोमनाथ लांडे यांनी केले आहे
तालुक्यातील कोरोना बाधित संख्या दोन हजारांचा टप्पा पार केला आहे याचे गांभीर्य लक्षात घेता कोणीही विनाकारण घराबाहेर पडू नका सतत सर्वांनी मास्क वापर करा प्रशासनाला मदत करा असे वारंवार सूचना करूनही नागरिकांना गांभीर्य राहिले नाही ,गाव चौकात तसेच सार्वजनिक ठिकाणी बिनधास्त नागरिक फिरत असल्याच्या तक्रारी सुज्ञ नागरिक करत असतात .
प्रशासनाने दिलेल्या सूचनांचे पालन नागरिकांकडून झाले असते तर पोलिसांनी कारवाई करण्याची वेळच येणार नसती असेही लांडे बोलताना म्हणाले.
बिगर मास्कचे घरा बाहेर पडू नका,सोशल डिस्टन्स पाळा, गर्दीचे ठिकाणे टाळा हे पाळले तर कोरोणाची साखळी नक्की तुटेन व कोरोनाचा प्रसारही होणार नाही. कोणताही आजार झाला तर लगेच तपासणी करा असेही त्यांनी बोलताना सूचना केल्या .
वडगाव निंबाळकर पोलीस ठाण्या अंतर्गत येणाऱ्या
गावातून पाच पेक्षा अधिक लोक ज्या ठिकाणी दिसतील त्यांच्यावर गुन्हे दाखल करण्यात येणार आहे , त्यामुळे विनाकारण कोण्हीही घरा बाहेर पडू नाका त्याच्यावर तत्काळ गुन्हा दाखल करण्यात येणार आहे.
--- सहाय्यक पोलीस निरीक्षक सोमनाथ लांडे --
