बारामती प्रतिनिधी
बारामती नगरपालिकेच्या कर्मचाऱ्यांनी आज सानुग्रह अनुदानासाठी पालिकेच्या आवारात काळया फिती लावून ठिय्या आंदोलन केले. व पालिकेकडून अनुदान मिळण्यासाठी त्यांनी उपमुख्यमंत्री अजित पवार यांना निवेदन दिले आहे अशी, माहिती पालिकेचे आरोग्य निरीक्षक राजेंद्र सोनवणे यांनी दिली.
बारामती नगरपालिकेच्या वतीने पालिका कर्मचाऱ्यांना २०१३ पासून प्रतिवर्षी दिवाळीनिमित्त सानुग्रह अनुदान देण्यात येते. मागील वर्षी कर्मचाऱ्यांना २० हजार रुपयांचे अनुदान देण्यात आले होते. मात्र यंदा कोरोना सारख्या महामारीच्या काळात स्वतःचा जीव धोक्यात घालून नागरिकांच्या आरोग्याची काळजी घेतली आहे. या पार्श्‍वभूमीवर पालिकेच्या अधिकारी व कर्मचाऱ्यांनी यंदा पंचवीस हजार रुपये सानुग्रह अनुदान मिळावे अशी मागणी केली होती. या मागणीला नगराध्यक्षांनी सकारात्मकता ही दर्शवली होती. मात्र याबाबत पालिकेत झालेल्या बैठकीत सत्ताधारी नगरसेवकांच्या मतभेदामुळे यावर तोडगा निघाला नाही. यासाठी आज पालिकेच्या आवारात ठिय्या आंदोलन करण्यात आले.
नगरपालिकेत सानुग्रह अनुदानासाठी झालेल्या बैठकीत मोठ्या संख्येने कर्मचारी अधिकारी उपस्थित होते.मागील वर्षी वीस हजार रुपये सानुग्रह अनुदान दिले होते ते यंदा पंचवीस हजार रुपये मिळावे अशी करण्यात आली आहे.या मागणीला नगराध्यक्ष यांनी होकार ही दिला होता मात्र त्यानंतर नगराध्यक्षा मुख्याधिकारी नगरसेवक यांच्यात झालेल्या बैठकीत सानुग्रह अनुदानाबाबत काहीतरी मार्ग काढू असा सूर निघाल्याने यंदा अनुदान मिळेल की नाही. अशी शंका निर्माण झाल्याने आज पालिका कर्मचारी अधिकाऱ्यांनी ठिय्या आंदोलनाचा निर्णय घेतला.
..................
२०१३ पासून कर्मचाऱ्यांना सानुग्रह अनुदान देण्याची पद्धत आहे. मात्र यंदा कोरोना काळात कर्मचाऱ्यांनी आपला जीव धोक्यात घालून कामे केली आहेत. त्यामुळे यंदा २५ हजार रुपये सानुग्रह अनुदानाची मागणी आहे. याबाबत नगरपालिका सकारात्मक नसल्यामुळे हे आंदोलन आम्हाला करावे लागत आहे.
राजेंद्र सोनवणे :-
(आरोग्य निरीक्षक बारामती नगरपालिका)
