मुधोजी हायस्कूल व ज्युनिअर कॉलेज, फलटण येथे 'सायबर सिक्युरिटी' या विषयावर मार्गदर्शन कार्यक्रम संपन्न
बुधवार, दिनांक २५ जून २०२५ रोजी मुधोजी हायस्कूल व ज्युनिअर कॉलेज, फलटण येथे इयत्ता १२ वीच्या विद्यार्थ्यांसाठी "सायबर सिक्युरिटी" या अत्यंत महत्त्वपूर्ण विषयावर विशेष मार्गदर्शन कार्यक्रम आयोजित करण्यात आला होता.या कार्यक्रमासाठी कमिन्स कंपनी, सुरवडी येथून आलेले तज्ञ सुशांत अहिवळे आणि सचिन काळूखे यांनी विद्यार्थ्यांना इंटरनेटचा सुरक्षित वापर, ऑनलाईन फसवणूक टाळण्याचे मार्ग, सोशल मीडियाच्या धोक्यांची जाणीव व त्यावर उपाय याविषयी सखोल व उपयुक्त माहिती दिली. विद्यार्थ्यांनी या मार्गदर्शनाचा मोठ्या उत्साहाने लाभ घेतला व अनेक प्रश्न विचारून संवाद साधला.
कार्यक्रमाची सुरुवात प्रास्ताविकाने झाली, माळवदे सर यांनी अतिशय प्रभावी पद्धतीने केले. त्यांनी सायबर जागरुकतेचे महत्त्व अधोरेखित करत मान्यवरांचे मनःपूर्वक स्वागत केले.
या कार्यक्रमाला प्राचार्य शेडगे सर व उपप्राचार्य. माने सर यांची विशेष उपस्थिती लाभली. त्यांच्या मार्गदर्शनामुळेच हा उपक्रम यशस्वीरीत्या पार पडू शकला. विद्यार्थ्यांच्या सायबर सुरक्षेसंदर्भातील जाणिवा वाढवण्यासाठी अशा कार्यक्रमांचे आयोजन आवश्यक असल्याचे त्यांनी आपल्या मनोगतात नमूद केले.संपूर्ण कार्यक्रम अत्यंत यशस्वी व प्रेरणादायी ठरला.
कार्यक्रमाच्या शेवटी श्री. ढावरे सर यांनी सर्व उपस्थितांचे आभार मानले.
