सोमेश्वरनगर - बारामती तालुक्यातील विद्या प्रतिष्ठानचे सोमेश्वर इंग्लिश मीडियम स्कूल व ज्युनियर कॉलेज सीबीएसई वाघळवाडी येथे जागतिक योग दिनाचे औचित्य साधत इयत्ता सहावी ते दहावीच्या विद्यार्थ्यांनी विविध आसनांची व योग मुद्रांची प्रात्यक्षिके केली.
यावेळी प्रांजली बनकर या प्रशिक्षित योगा शिक्षिकेचे मुलांना मार्गदर्शन लाभले. मुलांचे उत्तम व निरोगी शारीरिक विकास तसेच चित्त एकाग्र करणारी सोपी आसने मुलांकडून करवून घेतली. त्यांनी आपल्या भाषणांमध्ये मुलांना योग विद्या त्याचे फायदे समजावून सांगितले
शाळेतील शिक्षिका कामिनी भुंजे यांनी ओमकार व योगसाधनेचे महत्त्व थोडक्यात सांगत कार्यक्रमाचे प्रास्ताविक केले.
यावेळी शाळेचे मुख्याध्यापक सचिन पाठक व शिक्षकांनी उपस्थिती दर्शवत कार्यक्रमात सहभाग घेतला.
या कार्यक्रमाचे सूत्रसंचालन ज्योती शिंदे यांनी केले. कार्यक्रम यशस्वीपणे पार पाडण्यासाठी शाळेतील क्रीडा शिक्षक उर्मिला मचाले व रणजीत देशमुख यांनी बहुमूल्य योगदान दिले.
