बारामती: पंढरपूरहुन आळंदीकडे परतीसाठी निघालेल्या पालखी सोहळ्याचे पिंपळी येथील डॉ.बाबासाहेब आंबेडकर चौकात सरपंच स्वाती अशोकराव ढवाण,मा.उपसरपंच अश्विनी बनसोडे, छत्रपती कारखाना संचालक सतीश देवकाते,छत्रपती कारखाना मा.संचालक संतोषराव ढवाण पाटील, कृषी उत्पन्न बाजार समितीचे मा.संचालक रमेशराव ढवाण, प्रगतशील शेतकरी अशोकराव ढवाण,पीएमडी डेअरी मिल्क समूहाच्या संचालिका दिपाली ढवाण आदींच्या हस्ते चौफदार महाराज व पालखी रथाचे पुष्पहार,श्रीफळ देवून सत्कार करण्यात आला.
त्यानंतर पालखी सोहळ्यास तानाजी केसकर, सतीश केसकर, आबासो केसकर, तुकाराम केसकर आदींच्या मेंढ्यांचे रिंगण करून स्वागत करण्यात आले.
दरवर्षी प्रमाणे छत्रपती कारखाना मा.संचालक संतोषराव ढवाण पाटील यांचे निवासस्थानी जेवणाचे आयोजन करण्यात आले होते.
जेवणाचा मेनू वारकरी यांचे आवडता कडीभात,दही, हरभरा उसळ, धापाटे,ज्वारी भाकरी,गुळाच्या काफनी,ताक आदींचा समावेश होता.
समस्त दिंडीने जेवणाचा आस्वाद घेऊन आळंदीकडे प्रस्थान केले.
दर्शनासाठी डॉ.बाबासाहेब आंबेडकर चौकात नागरिकांनी मोठी गर्दी केली होती.
यावेळी महाराष्ट्र प्रदेश सोशल मिडियाचे उपाध्यक्ष सुनिल बनसोडे,बारामती तालुका खरेदी विक्री संघाचे व्हा.चेअरमन नितिन देवकाते,बारामती तालुका खरेदी विक्री संघाचे मा.व्हा.चेअरमन भाऊसाहेब भिसे,बारामती तालुका कृषी उत्पन्न बाजार समितीचे संचालक रमेशराव ढवाण पाटील, पोलीस पाटील मोहनराव बनकर, वकील सचिन वाघ, मा.उपसरपंच आबासाहेब देवकाते,पिंपळी-लिमटेक सोसायटीचे चेअरमन दादासो केसकर,मा.सोसायटी चेअरमन अशोकराव देवकाते, बारामती तालुका फलोत्पादन संघाचे संचालक रघुनाथ देवकाते,हरिभाऊ केसकर,महेश चौधरी, सोमनाथ यादव, जनसेवक दत्तात्रय तांबे,बापूराव यादव,बापूराव केसकर,रामचंद्र कचरे आदी उपस्थित होते.
